Fru Präsidentin! Leve Kolleginnen un Kollegen! Herr Dr. Frömming, Ihr Problem ist ja nicht der Stenografische Dienst, sondern, dass Sie die Sprachen nicht können.

(Beifall bei der FDP, der SPD und dem BÜNDNIS 90/DIE GRÜNEN sowie bei Abgeordneten der CDU/CSU und der LINKEN – Dr. Götz Frömming [AfD]: Ich verstehe Sie!)

Ik wörr jetzt wedder to’t Plattdüütsche överswitchen un mutt wat to Anbeginn seggen.

(Dr. Götz Frömming [AfD]: Verstehe ich auch!)

Mien Spraak, de ik jetzt snacken do, de snack ik sonst egentlich mit mien Öllern an de Avendbrootsdisch. Wi snacken nich över Politik so veel, aver ik mutt seggen, dat süllt wi villicht mehr maken. Un egentlich seggt man nich „Se“ in’t Plattdüütsche – wir siezen nicht, wir duzen.

(Beifall bei Abgeordneten der LINKEN)

Un dat much ik natürlich nich, Fru Präsidentin, dat much ik aver ok geern hier maken.

(Heiterkeit und Beifall bei Abgeordneten der FDP, der SPD und des BÜNDNISSES 90/DIE GRÜNEN)

Ik freu mi ganz, ganz dull, dat wi düsse Debatte hüüt föhren könen. Velen Dank an all, de dort to bidregen hebben, dat wi dat maken könen, nich nur um so’n beten Stimmung in düsse Parlament to bringen – dat is ok manchmal wichtig, Johann –, sondern weil dat en wichtige Thema is.

(Beifall bei der FDP, der SPD, der CDU/CSU und dem BÜNDNIS 90/DIE GRÜNEN sowie bei Abgeordneten der LINKEN)

2018 hebben Johann Saathoff un ik tosamen op en Ukraine-Reise gemeinsam mit Wolfgang seten in en Restaurant un hebben irgendwann tofällig faststellt, dat wi beide plattdüütsch snacken könen. Ik mutt seggen, ik hebb dat schon so’n beten höört bi di. Ik kann düsse wunderbore Ostfresen-Platt nich snacken; ik kaam ut Nordfreesland. Aver wi hebben uns vereenbort, wi kieken mal, wat wi dor in de Parlament so maken köönt. Un denn harrn Filiz Polat un ik tosamen en digitale Gespräch mit dat Nedderdüütsch-Sekretariat un de junge Lüüd, de dor ok jüst sitten – velen Dank, dat jem ok hüüt dor sünd –, un wi hebben doröver snackt: Wat kann düsse Düütsche Bundesdag egentlich doon, domit düsse ganze Thema mal en beten mehr Opmerksamkeit kriggt.

Denn keem immer wedder de Debatte dorop: Dat gifft doch ok de Parlamentskreise Peerd un Bus un Bahn un Fohrrad.

(Heiterkeit bei Abgeordneten der SPD und des BÜNDNISSES 90/DIE GRÜNEN)

Worum grünnen wi nich eenfach en Parlamentskreis Plattdüütsch? – Un dat hebben wi maakt, un ik bün froh, dat wi dat maakt hebben. Un ik bün froh, dat wi en Parlamentskreis Minnerheiten hebben,

(Beifall bei der FDP, der SPD, der CDU/CSU und dem BÜNDNIS 90/DIE GRÜNEN sowie bei Abgeordneten der LINKEN)

de Stefan un Denise grünnt hebben. Un dor arbeiten wi goot tosamen.

Ik much, weil ik vun de Avendbrootsdisch un mien Öllern vertellt hebb, tominnst noch gau seggen, wie dat egentlich keem, dat ik Plattdüütsch snack. Dat is nämlich ok nich vun Geburt an ween. Mien Vadder is plattdüütsch opwussen. Un as he in de School keem, muss he Hoochdüütsch eerst lehren. Dat heet, de Modderspraak vun mien Vadder is egentlich Plattdüütsch. Un denn geev dat düsse Tiet in de Generation vun mien Öllern, wo seggt worr: Snack mal nich mit jemme Kinner Plattdüütsch, weil dat is villicht naher en Nadeel.

Un wi hebben vörhin in de Kreis bi jem höört, dat dat Studien dorvun gifft – un jem kennen se all –, dat de Tahlen ganz anners sünd, nämlich je mehr Spraken, je mehr Inflüsse Kinner kriegen, je mehr ünnerscheedliche Perspektiven se dordör ok op de Welt hebben, desto beter.

(Beifall bei der FDP, der SPD, der CDU/CSU und dem BÜNDNIS 90/DIE GRÜNEN sowie bei Abgeordneten der LINKEN)

Deshalb geev dat bi uns natürlich an de Westküste un ok dormals in Eckernförde an de Ostküste en plattdüütsche Vörlesewettbewarv; un ik heff de an de School wunnen,

(Beifall der Abg. Dr. Kirsten Kappert-Gonther [BÜNDNIS 90/DIE GRÜNEN])

un denn in de Kreis aver keem dat Problem: In de Kreis hebb ik verloren.

(Heiterkeit bei der SPD und dem BÜNDNIS 90/DIE GRÜNEN)

Un dat geev en Jury, un ik heff de Jury fraagt, woran hett denn dat legen? Un denn hebben se seggt: Man höört, dat du dat nich snacken deist to Huus. – Un mien Konsequenz weer, ik bün to mien Vadder na Huus kamen un heff seggt: Wi snacken jetzt Plattdüütsch. – Un dat is egentlich swoor, weil ik heff em hochdüütsch kennenlehrt. Ik wuss, he snackt Plattdüütsch – offensichtlich. Mit mien Oma heff ik dat ok maakt. Un siet den Dag snacken mien Vadder un ik Plattdüütsch tosamen. Deswegen kann ik ok Plattdüütsch nich opschrieven. Deswegen staht hier hochdüütsche Begriffe, un ik versöch, dat jetzt irgendwie simultan to översetten.

(Heiterkeit bei Abgeordneten der FDP, der SPD, der CDU/CSU und des BÜNDNISSES 90/DIE GRÜNEN)

Ik weet nich, ob dat so goot klappt.

Wat will ik dormit seggen? Plattdüütsch is, wenn man nich graad mit dat Minnerheiten-Sekretariat oder dat Nedderdüütsch-Sekretariat snacken deit, en Spraak vun de Alldag vun de Lüüd. Wenn ik an de Westküste bi mi spazeren gah, denn draap ik Lüüd un segg „Moin!“ un wi snacken. De maken sik aver keen Gedanken doröver, dat se graad Plattdüütsch snacken; se doot dat eenfach. Un dat is de Ünnerscheed.

(Heiterkeit und Beifall bei der FDP, der SPD, der CDU/CSU und dem BÜNDNIS 90/DIE GRÜNEN – Beifall bei Abgeordneten der LINKEN)

Un ik much dat mal düütlich maken: Natürlich snacken de Lüüd hier över Regional- un Minnerheitspraken un doröver, wie könen wi düsse Spraken schützen. Aver wi möten dat ok to’n Alldag warrn laten. Un deswegen is düsse Debatte so wichti. Dat geiht nich um Fischbrötchen un Möwengeschrei un Folklore. Wi möten an de Punkt kamen, dat dat alldägli warrt, dat Kinner seggen: „Papa, ich möchte auch Plattdeutsch mit dir sprechen“ oder „Wo kann ich das lernen?“, oder wi möten dorhin kamen, dat Tonies – jem kennt villicht düsse nie’e düütsche Kassette mit Figuren to’n Dropstellen –

(Heiterkeit bei Abgeordneten der SPD und des BÜNDNISSES 90/DIE GRÜNEN)

besnackt warrn, dat Kinner Plattdüütsch hören könen.

(Beifall der Abg. Linda Heitmann [BÜNDNIS 90/DIE GRÜNEN])

Sprakenvielfalt in Düütschland is riek. Dat sünd nich nur de Minnerheiten- un Regionalspraken, dat klingt hier ok Ukrainisch un Vietnamesisch un Polnisch. Düsse Riektum, de wi hebben in Düütschland, de möten wi schützen un bewahren un fortentwickeln.

(Beifall bei der FDP, der SPD, der CDU/CSU und dem BÜNDNIS 90/DIE GRÜNEN sowie bei Abgeordneten der LINKEN)

Dat is de Oort, wie wi op de Welt blicken.

Un dat Allerletzte, wat ik seggen much, Fru Präsidentin, weil ik to’n Schluss kamen mutt, obwohl Plattdüütsche ja egentlich immer schnell un gau op de Punkt kamen: Bi uns in de Parlamentskreis Plattdüütsch sünd noch Plätze free.

(Heiterkeit bei Abgeordneten der FDP, der SPD und des BÜNDNISSES 90/DIE GRÜNEN)

Un wi freut uns sehr, de nächste Parlamentskreis mit jem tosamen to maken. Man mutt nich Plattdüütsch snacken dorför, man kann eenfach vörbikamen, mit uns en Tass Kaffe drinken.

Velen Dank, dat wi dat hüüt maken. Un ik freu mi op de wiedere Debatte.

(Beifall bei der FDP, der SPD, der CDU/CSU und dem BÜNDNIS 90/DIE GRÜNEN sowie bei Abgeordneten der LINKEN)